VOV4.Xơ Đăng - Kơmăng hâi lơ 8/5, a Hngêi hơdruê kân Hà Nội, Khu tơrŭm mâu hô̆i Văn học Nghệ thuật Việt Nam ƀă Hô̆i Nhà văn Việt Nam tơkŭm po Leh diâp Mê dái Độc Lập ối má péa ăm nhà thơ Hữu Thỉnh ƀă Tơdroăng nghê̆ thuât ‘’Nhà thơ Hữu Thỉnh – Ivá krá rơdêi dêi tơnêi têa’’. Pôa Nguyễn Xuân Phúc, kăn xiâm hnê ngăn tơnêi têa hiăng troh veăng hôp ƀă diâp Mê dái Độc Lập ối má péa ăm nhà thơ Hữu Thỉnh. Nhà thơ Hữu Thỉnh kot mâ hơnăm 1942, inâi khât cho Nguyễn Hữu Thỉnh, xo inâi Vũ Hữu, cho nhà thơ, nhà văn, hô̆i viên Hô̆i Nhà văn Việt Nam sap ing hơnăm 1976, ngế ki chêh tôm xo rơkong ƀă Kăn hnê ngăn Hô̆i Nhà văn Việt Nam (4 hneăng pơtối hlối).

Pôa xuân cho kăn Kuô̆k hô̆i hneăng 10 ƀă hneăng 11. Tơdroăng ki kơnía má môi rôh kố kô pơtối pro tơ’nôm ivá, khŏm mơ-eăm vâ nhà thơ Hữu Thỉnh pơtối veăng kum hên tâ nếo; tơdrêng amê hlối ôu eăng mâu tơdroăng ki kơnía văn học nge# thuât ki pôa hiăng pleăng ăm tơdroăng văn học tơnêi têa tung lối 60 hơnăm hdrối.

Katarina Nga tơplôu ƀă tơbleăng