VOV4.Xơ Đăng - Drêng troh leh tơbâ Hâi lâp plâi tơnêi, kơxo lơ 31/5, pôa Nguyễn Xuân Phúc, Kăn xiâm hnê ngăn tơnêi têa lăm pôu mơhnhôk ƀă hbru tơmeăm ăm mâu vâi hdrêng ki chó chêng tơvê kŏng a Tíu xiâm păn roăng vâi hdrêng chó chêng tơvê kŏng a Hà Nội (pơlê kân Chúc Sơn, tơring Chương Mỹ).

Pơtroh rơkong rơkâu ki lĕm troh vâi hdrêng drêng troh hâi Lâp plâi tơnêi vâi hdrêng, pôa Nguyễn Xuân Phúc tối, khĕn kơdeăn mâu thái cô, mâu kăn ƀô̆, mâu ngế ki pêi cheăng a Tíu xiâm păn roăng, rak ngăn hiăng mơ-eăm pêi hnoăng cheăng, ƀă tơdroăng pâ nhoăm pá kâi tối, rak ngăn păn roăng, hbrâ mâu tơmeăm ăm mâu vâi hdrêng ki chó chêng tơvê kŏng tơdroăng ki hlê plĕng ƀă túa rêh ối ăm mâu vâi hdrêng.

Pôa Nguyễn Xuân Phúc, Kăn xiâm hnê ngăn lăm pôu ngăn mâu vâi hdrêng ki chó chêng tơvê kŏng

Tối mơnhên Đảng, tơnêi têa đi đo tơmâng troh vâi hdrêng tối tơchoâm ƀă mâu vâi hdrêng chó chêng tơvê kŏng tối krê, Kăn xiam hnê ngăn tơnêi têa tối nhên tơdroăng rak ngăn, kring vế kal rơtế veăng ƀă hnoăng cheăng, tuăn tơmiât dêi tâi tâng pơlê pơla. Rôh kố, Kăn xiâm hnê ngăn tơnêi têa ăm Tíu xiâm păn roăng mâu vâi hdrêng ki chó chêng tơvê kŏng Hà Nội 100 rơtuh liăn ƀă krếo thế mâu pơlê pơla ăm Tíu xiâm mê mâu tơmeăm xúa tung hriâm kơnâ 200 rơtuh liăn.

Gương tơplôu ƀă tơbleăng