VOV4.Xơ Đăng - Drêng troh veăng leh pro klêi Tíu xối tơbâ mâu ngế ki hlâ ai hnoăng tơplâ a Tíu tơplâ Điện Biên Phủ ƀă hlối pêi cheăng a kong pơlê Điện Biên tung 2 hâi, lơ 17 ƀă 18/5, pôa Nguyễn Xuân Phúc, Kăn xiâm hnê ngăn tơnêi têa hiăng têk nhang, koh tơbâ kơ mâu ngế ki hlâ ai hnoăng xua tơplâ a ilâng kiâ dêi Tơnêi têa A1, lăm ngăn tíu tơbleăng  um, tơmeăm tơplâ Ƀlêi trâng Điện Biên Phủ; pôu ngăn, hlối hbru vâ chê 160 kơxu tơmeăm ăm mâu lêng hơnăm hiăng krâ ki tơplâ a Điện Biên Phủ tung kong pơlê kố. Pôa Nguyễn Xuân Phúc, Kăn xiâm hnê ngăn tơnêi têa ƀă khu kăn nhoăm pâ têk nhang tơbâ hnoăng mâu lêng ki hlâ ai hnoăng xua tơplâ a ilâng kiâ dêi Tơnêi têa A1.

Pôa Nguyễn Xuân Phúc, Kăn xiâm hnê ngăn tơnêi têa tơbâ troh mâu ngoh ki hlâ ai hnoăng, hbru tơmeăm ăm mâu lêng hơnăm hiăng krâ Điện Biên Phủ

Pơtối mê, pôa Nguyễn Xuân Phúc lăm ngăn tíu tơbleăng um tơmeăm tơplâ ƀlêi trâng Điện Biên Phủ, tíu ki tơbleăng mâu hlá mơ-éa, tơmeăm ‘na tơplâ Điện Biên Phủ. Chêh a hlá mơ-éa chôu ‘măn a tíu tơbleăng, Kăn xiâm hnê ngăn tơnêi têa phiu ro hlối rơ-rêk tung hiâm mơno drêng lăm ngăn tíu mơđah tơbleăng, cho tíu ki mơhno mâu tơmeăm, um, hiâm mơno ki khât tơnôu hiăng tơplâ tá  troh hlâ dêi mâu vâi ngoh ki hlâ ai hnoăng, mâu lêng Điện Biên tung rôh lăm plâ Điện Biên Phủ plâ 56 hâi măng, vâ kâi ƀlêi trâng  “tơdroăng tơplâ ki vâi bê ô eăng lâp plâi tơnêi”.

Gương tơplôu ƀă tơbleăng