VOV4.Xơ Đăng - Kơxê lơ 17/6, a Tíu pêi cheăng kăn xiâm, pôa Nguyễn Xuân Phúc, Kăn xiâm hnê ngăn tơnêi têa tơdah trâm mâ tơpui tơno ƀă jâ Khemmani Pholsena, Kăn cheăng tung Tíu xiâm Đảng, Ngế xiâm, Kăn pơkuâ Ƀơrô Kăn xiâm hnê ngăn kong têa Lếo. Kăn xiâm hnê ngăn tơnêi têa rơkâu ƀă kheăn kơdeăn mâu tơdroăng châ tơƀrê ki kal ƀă tâi tâng ki kuăn pơlê Lếo nhŏng o châ tơƀrê tung pơla kố nah. Tiô pôa Nguyễn Xuân Phúc, péa Ƀơrô Kăn xiâm hnê ngăn tơnêi têa kal thăm tơrŭm kum dêi pó hên tơdroăng xiâm, tơdroăng  pêi ki pơxúa, ki nhên vâ mơdêk ki dâi lĕm tâi tâng, tơbleăng ăm Kăn xiâm hnê ngăn tơnêi têa, Kăn xiâm phŏ hnê ngăn tơnêi têa, kum pêi pro châ tơƀrê troăng pơkâ pêi, troăng hơlâ dêi péa Đảng, péa Tơnêi têa.

Tâi tâng a roh tơdah

Péa Ƀơrô Kăn xiâm hnê ngăn tơnêi têa kal thăm mơnhông xúa kŏng ngê̆ kơmăi kơmok vâ pêi tơtro tơdroăng tơbleăng ƀă pơtâng tối tơdroăng pêi cheăng dêi Kăn xiâm hnê ngăn tơnêi têa, Kăn xiâm phŏ hnê ngăn tơnêi têa, pêi tơtro tâ mê nếo tơdroăng tơdah mâu kăn, tơdroăng kum parŏng kăn xiâm tơnêi têa ƀă khu râ kăn xiâm.

A Sa Ly tơplôu ƀă tơbleăng