VOV4.Xơ Đăng - Kơxê lơ 13/5, a tíu pêi cheăng Kăn xiâm hnê ngăn tơnêi têa, pôa Nguyễn Xuân Phúc, Kăn xiâm hnê ngăn tơnêi têa tơdah Ngế xiâm pơkuâ lêng kong têa Indonesia, cho pôa Prabowo Subianto. Pôa Nguyễn Xuân Phúc kheăn kơdeăn tơdroăng châ tơƀrê tơpui tơno pơla péa Ngế xiâm pơkuâ lêng ƀă phiu ro tâ hlo tơrŭm cheăng lêng pơla péa pâ pơtối mơnhông mơdêk.

Tâi tâng a roh tơdah

Péa tơnêi têa ai mâu troăng thăm mơjiâng krá tơniăn hiâm mơno loi tơngah kal kí; po rơdâ pêi pro tŭm, châ tơƀrê, păng ‘nâng mâu mơ-éa tơrŭm cheăng hiăng kĭ, thăm tơrŭm pơla mâu khu lêng, ƀinh chủng, ki rơhêng vâ tối cho tơpui tơno đi đo, teăm tơdrêng tơrŭm tơleăng mâu tơdroăng ki nếo a têa kơxĭ pơla khu lêng gak kring têa kơxĭ ƀă Kan sát têa kơxĭ péa tơnêi têa.

Kăn xiâm hnê ngăn tơnêi têa mơnhên, Việt Nam nhuô̆m tơrŭm ƀă kong têa Indonesia, khu tơrŭm cheăng ton xŏn ki kal má môi a kơpong ƀă đi đo thăm tơrŭm cheăng ƀă kong têa Indonesia mơnhông mơdêk lĕm, tơniăn, krá tơniăn ƀă ton xŏn, tŭm têk tung mâu kơvâ cheăng: cheăng kâ, gak kring, cheăng lêng, mơhno khôi túa lĕm tro, hnê hriâm, ôm hyô ƀă trâm mâ pơla kuăn pơlê.

A Sa Ly tơplôu ƀă tơbleăng