VOV4.Xơ Đăng - Hâi lơ 12/5, pôa Nguyễn Xuân Phúc, Kăn xiâm hnê ngăn tơnêi têa ƀă mâu Kăn Kuô̆k hô̆i tíu pêi cheăng kơxô̆ 3 Pơlê kong kân Hồ Chí Minh hiăng trâm mâ kuăn pơlê a mâu pơlê krâm 5, 8 ƀă 11.  Kuăn pơlê a mâu pơlê krâm kơnôm ai veăng mơ-eăm dêi Đảng, Tơnêi têa ƀă mâu kăn pơlê kong kân tung tơdroăng hbrâ mơdât pơreăng COVID-19, pêi pro tiô mâu pơkâ tŏng kum rêh ối pơlê pơla vâ kuăn pơlê tơniăn tơdroăng rêh ối.

Pôa Nguyễn Xuân Phúc, Kăn xiâm hnê ngăn tơnêi têa tơpui tơno ƀă kuăn pơlê

Mâu kuăn pơlê mơngế Hoa, mơngế Chăm tung mâu pơlê krâm mê ăm ‘nâi, tung pơla hdrối nah, mâu kăn hiăng ai hên troăng rơhlâ tơmâng khât kơ kuăn pơlê mơngế Hoa, tung mê tơmâng troh ‘na tíu ối, mơhnhôk mâu kuăn ‘nĕng mơngế Hoa hriâm... Mâu kuăn pơlê púi vâ ai tơ’nôm hên hngêi trung hnê nâl Hoa ăm kuăn ‘nĕng mơngế Hoa; pro tơ’lêi, tơmâng rak ngăn kuăn pơlê mơngế Chăm, malối vâi kơdrâi, kuăn ‘nĕng mâu hdroâng kuăn ngo ƀă púi vâ ai mâu kăn Kuô̆k hô̆i teăng mâ ăm kuăn pơlê kuăn ngo Chăm,  malối cho vâi kơdrâi, kuăn ‘nĕng mâu hdroâng kuăn ngo ƀă púi vâ ai mâu Kăn Kuô̆k hô̆i  teăng mâ ăm kuăn pơlê kuăn ngo Chăm...

 Gương tơplôu ƀă tơbleăng