VOV4.Xơ Đăng - Tung rôh veăng Hôp tơpui tơdroăng tung la ngiâ châu Á, kơxê lơ 25/5, a tíu pêi cheăng dêi kăn teăng mâ Việt Nam a Nhuk, pôa Phạm Minh Chính, Ngế pro xiâm phŏ hnê ngăn tơnêi têa hiăng tơdah Ngế xiâm pơkuâ kong pơlê Gunma, pôa Yamamoto Ichita, Ngế xiâm pơkuâ kong pơlê  Kanagawa, pôa Kuroiwa Yuji trâm mâ tơpui ƀă mâu kăn teăng mâ tíu pêi cheăng Việt Nam a Nhuk, Khu mâu rơkê Việt Nam a Nhuk.

Pôa Phạm Bình Minh, Ngế pro xiâm phŏ hnê ngăn tơnêi têa tơdah Ngế pơkuâ kong pơlê Kanagawa ƀă Gunma

A rôh tơdah, Ngế pro xiâm phŏ hnê ngăn tơnêi têa púi vâ 2 Ngế xiâm pơkuâ kong pơlê pro tơ’lêi hlâu ăm mâu khu mơdró ‘no liăn cheăng a Việt Nam, tơmâng khât troh mơngế lăm hriâm ƀă mâu ki hriâm pơtâp cheăng dêi mơngế Việt Nam ki dế rêh ối a kong pơlê, hlối tơhrâ Việt Nam kô pro tơ’lêi hlâu ăm hên tơdroăng cheăng dêi khu mơdró kâ kong pơlê Kanagawa.

Kong pơlê Kanagawa cho kong pơlê ki ai rơdêi ‘na khăm pơlât, xua mê kal mơdêk tơrŭm cheăng tung kơvâ khăm pơlât malối cho pơlât mâu ngế ki châi tamo pá pơlât prêi xuân cho tơdroăng púi vâ dêi Việt Nam.

Gương tơplôu ƀă tơbleăng