A roh trâm mâ, pôa Phạm Minh Chính, Ngế pro xiâm hnê ngăn tơnêi têa phiu ro roh lăm pôu pêi cheăng Việt Nam roh apoăng dêi pôa Manalo, Ngế xiâm tơpui kâ kong têa Philippines; mơnhên Việt Nam đi đo nhuô̆m ƀă pói vâ thăm mơdêk tơrŭm cheăng Khu tơrŭm cheăng ton xŏn ƀă kong têa Philipines rế hía rế châ tơƀrê ƀă kal khât.

Vâ pơtối djâ tơrŭm cheăng péa tơnêi têa mơnhông mơdêk ó rơdêi tá peăng rơdâ ƀă peăng trâu hơngế.

Tung mê, tơtrŏng thăm tơpui tơno khu râ kăn xiâm ƀă mâu khu râ, mơdêk mơhnhôk tê mơdró cheăng kâ – mơdró, tá tơrŭm tê mơdró phái, séa ngăn tah lôi mâu tơdroăng ki mơdât ôh tá kal ƀă tŏng kum dêi pó tơniăn bê kế kâ, mơjiâng tíu tê mơdró ƀă mơ’no liăn cheăng tơ’lêi hlâu ăm mâu khu tê mơdró dêi pó; mơ-eăm rĕng châ pêi lo liăn tê mơdró péa pâ 10 rơtal dollars ƀă thăm pêi pro rơdêi tơrŭm cheăng tung mâu kơvâ cheăng ki ai tơmeăm mơnhông ki ê môi tiah cheăng kâ xúa kŏng nghê̆, cheăng kâ đi đo tơtêk, cheăng kâ kruá lĕm kong prâi, on tơhrik ki vêh pro, hbrâ ví kong prâi hơ’lêh, tơleăng mâu tơdroăng a têa kơxĭ, tŏng kum dêi pó mơnhông mơdêk cheăng kâ têa kơxĭ, hơ’lêh nếo troăng tơmiêt pêi rơkê, pơxiâm tăng cheăng pêi.