Pơtối mâu tơdroăng cheăng tung rôh lăm pôu veăng Hôp mâu Kan xiâm ASEAN - Hô̆i đong Tơrŭm cheăng kơpong kung King (GCC)  ƀă lăm pôu kong têa Saudi Arabia, pôa Phạm Minh Chính, ngế pro xiâm hnê ngăn tơnêi têa hiăng lăm pôu ngăn tíu pêi cheăng GCC  trâm Kăn xiâm chêh tôm xo rơkong (GCC) hlối hlo ƀă mâ leh kĭ tơhrâ tung Hlá mơ-éa chôu pâ ‘na tơrŭm cheăng pơla Khu xiâm tơpui kâ Việt Nam ƀă Khu xiâm chêh tôm xo rơkong GCC.

Pôa Phạm Minh Chính - Ngế pro xiâm hnê ngăn tơnêi têa khĕn kơdeăn hnoăng cheăng pêi dêi GCC ƀă tối Việt Nam ngăn nhoăm tơdroăng mơnhông tơrŭm cheăng ki péa pâ rơtế ai pơxúa ƀă GCC ƀă mâu kong têa tung khu. Ngế pro xiâm hnê ngăn tơnêi têa tối nhên Việt Nam hbrâ vâ pro tíu ki tơdjêp, mơdêk tơrŭm cheăng ASEAN-GCC, pơkâ thế Khu xiâm tơpui kâ Việt Nam ƀă Khu chêh tôm xo rơkong GCC rĕng môi tuăn ƀă tơdroăng tơrŭm cheăng nhên vâ tơbleăng pêi tơƀrê tơdroăng kĭ tơhrâ Tung hlá mơ-éa chôu pâ ki nếo châ kĭ ƀă dêi rơpó.

‘Na peăng tơná, khĕn kơdeăn hnoăng cheăng pêi ƀă ki rơdêi dê Việt Nam xuân môi tiah mâu hnoăng cheăng pêi ki Việt Nam Kăn xiâm chêh tôm xo rơkong tối, Khu xiâm chêh tôm xo rơkong GCC kô mơ-eăm tŏng kum Việt Nam mơdêk tơrŭm cheăng ƀă mâu kong têa tung khu tung tơdroăng  cheăng ki éa pâ ai hlâu.