Pôa Phạm Minh Chính Ngế pro xiâm hnê ngăn  tơnêi têa hiăng lăm pôu mâu rơpŏng ki ai hngêi ối nếo ing tơdroăng mơhnhôk mơjiâng pro mê. Tơdroăng sôk ro ăm hlo ƀă mâ tơdroăng rêh ối dêi hên rơpŏng  ing tơdroăng mơhnhôk mê, Ngế pro xiâm hnê ngăn Chin phuh khê̆n kơdeăn  kong pơlê Hòa Bình hiăng “tối thế pêi”, pro pơxúa phâi tơtô ăm kuăn pơlê.

 Ngế pro xiâm hnê ngăn Chin phuh  pơkâ thế mâu râ ủy, khu tơrŭm cheăng Đảng, mâu kăn tơkŭm pơkuâ hnê mơhno troh lâp lu ‘’ ai hnoăng veăng kum hnoăng, ai tơmeăm veăng kum tơmeăm, ai iâ veăng tơlo iâ, ai hên veăng tơlo hên”, rak ngăn ai pơxúa mâu xiâm vâ pê klêi mâu pơkâ xut tah hngêi pơtân, hngêi xi kơchoh ăm rơpŏng kơtiê, pakĭng mê tơbleăng pêi mâu troăng rơhlâ vâ kum kuăn pơlê ai cheăng pêi, tăng rêh ối, ôh tá xê to hlŭn kơtiê ƀă rơkê plĕng  tung rêh ối ai hmâ kâ