VOV4.Xơ Đăng - Kơxê lơ 8/5, Pôa Phạm Minh Chính, Ngế pro xiâm hnê ngăn Chin phuh hiăng pêi cheăng ƀă Khu pơkuâ tơdroăng cheăng Đảng kong pơlê Thái Bình. A roh pêi cheăng, Ngế pro xiâm hnê ngăn tơnêi têa mơnhên ƀă kheăn kơdeăn tơdroăng pêi pro Pơkâ Hneăng hôp roh má XIII dêi Đảng, dêi Đảng ƀô̆, khu lêng ƀă kuăn pơlê Thái Bình; kong pơlê pêi pro rĕng Pơkâ Hneăng hôp Đảng ƀô̆ kong pơlê roh má XX; pêi pro mâu Pơkâ dêi Tơnêi têa, Kuô̆k hô̆i, Chin phuh.

Pôa Phạm Minh Chính, Ngế pro xiâm hnê ngăn Chin phuh pêi cheăng ƀă Khu pơkuâ cheăng Đảng kong pơlê Thái Bình

Tung la ngiâ, pôa Phạm Minh Chính pói vâ Thái Bình ai tơdroăng mơnhông mơdêk châ tơƀrê, tŭm têk, krá tơniăn tâ mê nếo; pêi lo liăn rêm pơ’leăng mâ mơngế thế hên tâ mê nếo. Vâ tiah mê, kong pơlê thế hlê plĕng cho ối a Tíu xiâm tơbăng kroăng Hồng, ai hên tơdroăng tơ’lêi hlâu, ai mơngế pêi cheăng, ai hên khôi túa lĕm tro ƀă hía hé kal tơkŭm pêi pro.

Kal pêi pro tiô Pơkâ dêi Hneăng hôp roh má XIII dêi Đảng tơtro ƀă tơdroăng pơkâ dêi kong pơlê, tơkŭm pêi pro tơtro mâu Pơkâ dêi Kuô̆k hô̆i, Chin phuh vâ mơnhông mơdêk kong pơlê tung tơdroăng pơkâ ki nếo.

A Sa Ly tơplôu ƀă tơbleăng