Ngế pro xiâm hnê ngăn tơnêi têa kheăn kơdeăn tơdroăng mơ-eăm dêi mâu Khu râ kăn pơkuâ, khu râ kăn pơkua tơdroăng cheăng Đảng, pơkuâ tơdroăng cheăng tơnêi têa, khu lêng ƀă kuăn ƀă mâu tơdroăng châ tơƀrê hiăng châ, veăng kum kal khât tung tơdroăng châ tơƀrê tơdjuôm dêi lâp tơnêi têa. ‘Na hnoăng cheăng, troăng pêi ki xiâm, Ngế pro xiâm hnê ngăn tơnêi têa pơkâ thế kong pơlê Bình Dương thế mơnhông châ tơƀrê tung mâu kơvâ.

Thâ mơjiâng, pêi kêi đeăng pơkâ pêi pro Pơkâ pêi; mơnhên tơdroăng ki xiâm, tơdroăng pêi cheăng ƀă kơxô̆ liăn pêi pro mâu tơdroăng pêi cheăng, tơdroăng tơkêa bro tung Pơkâ pêi ki má lối cho mâu tơdroăng tơkêa bro ki xiâm. Mơdêk tơdroăng mơ’no liăn cheăng tơnêi têa, ki má lối cho mâu kế tơmeăm, tơdroăng tơkêa bro ki xiâm; pơtối mơnhông troăng pêi tơrŭm cheăng tơnêi têa – ngế krê; mơhnhôk kơxô̆ liăn kong têa ê.

Ngế pro xiâm hnê ngăn tơnêi têa pơkâ thế Bình Dương, djâ troăng ahdrối tung troăng hơlâ hngêi ối pơlê pơla pro tơ’lêi hlâu ăm mâu ngế pêi cheăng rôe, mung, mung rôe hngêi ối; Pêi pro châ tơƀrê tơdroăng rêh ối pơlê pơla, tơniăn ki pơxúa tơdroăng rêh ối pơlê pơla.