VOV4.Xơ Đăng - Kơxo lơ 5/7 pôa Phạm Minh Chính, Ngế pro xiâm hnê ngăn Chin phuh pơkuâ hneăng hôp má 15 dêi khu hnê mơhno cheăng Tơnêi têa ‘na hbrâ mơdât pơreăng COVID-19. Tơbleăng a rôh hôp pôa Phạm Minh Chính pơkâ thế mâu kăn tơkŭm tơpui tơno, tối ‘na tơdroăng pơreăng tâ tú tung lâp plâi tơnêi, tung kơpong ƀă tung tơnêi têa, mâu tơdroăng tâ tú ki nếo, ki  ê, mâu  tơdroăng tơvâ tơvân, mâu tơdroăng hiăng châ pêi pro, mâu tơdroăng hâi châ pêi pro, tối nhên xiâm ing lâi, tơbleăng tối pơkâ, tơdroăng vâ pêi, tuăn tơmiât hnê mơhno, troăng rơhlâ vâ pơtối tơplâ mơdât COVID-19 tung la ngiâ.

Nôkố, a tung tơnêi têa, xuân ai tíu ki ‘nâ, drêng ‘nâ vâi ối tơngôu, oh tá hbrâ rơnáu klêi kơ’nâi ai pơreăng tâ tú vâ tối hiăng kâi mơdât, malối cho tơdroăng  pâk vaccine ối hrá, hâi pêi tro tiô pơkâ, tung mê, ai tơdroăng pâk vaccine ăm vâi hdrêng ing 5- 11 hơnăm ƀă pâk trum má 3 ăm mâu ngế ing 12 hơnăm troh 17 hơnăm, mơhé Chin phuh, Ngế pro xiâm hnê ngăn Chin phuh hiăng puk pâk hnê mơhno. Pôa Phạm Minh Chính, Ngế pro xiâm hnê ngăn tơnêi têa tối nhên, ôh tá chiâng tơngôu, thế hbrâ rơnáu đi đo, thế ai pơkâ tơdroăng pêi hdrối, pêi kơtăng’’.

Tung mê, ki khât ăm hlo vaccine xuân cho kế ki pơkâ mơdât pơreăng. Tơdroăng pâk vaccine cho tơdroăng pơxúa, hnoăng pêi pro dêi rêm ngế vâ kring vế dêi tơná, rơpŏng hngêi ƀă kuăn pơlê.

Gương tơplôu ƀă tơbleăng