̆

VOV4.Xơ Đăng - Kơxo lơ 27/4, a tíu pêi cheăng Chin phuh, pôa Phạm Minh Chính, Ngế pro xiâm hnê ngăn tơnêi têa pơkuâ hneăng hôp roh má 2 dêi Vi ƀan  Tơnêi têa ‘na pơ’lêh kơxô̆. Hneăng hôp châ mơ’no tơdrêng tung măng Internet troh 63 to kong pơlê, pơlê kong kân tung lâp tơnêi têa. Tơbleăng a hneăng hôp, pôa Phạm Minh Chính tối nhên, pơ’lêh kơxô̆ cho môi tơdroăng cheăng ki kal, rơtế ƀă 3 tơdroăng ki xiâm cho Chin phuh kơxô̆, tơdroăng cheăng kâ ƀă rêh ối kơxô̆. Đảng, Tơnêi têa, Chin phuh, Ngế pro xiâm hnê ngăn Chin phuh tơmâng khât troh tơdroăng cheăng pơ’lêh kơxô̆, pêi pro tro tơdroăng Chin phuh kơxô̆, tơdroăng cheăng kâ kơxô̆, rêh ối kơxô̆, kuăn pơlê kơxô̆.

Ngế pro xiâm hnê ngăn Chin phuh kal thế séa ngăn nếo luât pơkâ xua mê cho 1 tung 3 tơdroăng pêi tơ-ƀrê pơlêh luât; tơ’nôm, pê klêi luât thế ai tơmeăm khoăng kơmăi kơmok, malối cho tơmeăm khoăng kŏng ngê̆ thŏng tin, mơnhông mơdêk kŏng ngê̆ kơxô̆, xúa kơmăi kơmok kơxô̆; thế mơhnhôk tăng liăn, mơdêk tơdroăng cheăng dêi tơnêi têa, mơhnhôk kuăn pơlê veăng tơlo liăn. Tơdroăng tơbleăng thế rak ngăn môi tiah lâi vâ pơ’lêh kơxô̆ hlối pêi rơkê tiô túa nếo, hlối tơ-tro ƀă tơdroăng cheăng kâ, ivá pêi cheăng hlối mơdêk ki tơ-ƀrê ing mơngế pêi cheăng.

       Gương tơplôu ƀă tơbleăng