VOV4.Xơ Đăng - Drêng troh Tết tiô khôi hmâ Bun Pi May dêi Lếo ƀă Chlôl Chnăm Thmay dêi Kul, pôa Phạm Minh Chính, Ngế pro xiâm hnê ngăn Chin phuh hiăng krếo phôn rơkâu kơ pôa Phankham Viphavanh,  Ngế pro xiâm hnê ngăn kong têa Lếo  ƀă pôa Hun Sen, Ngế pro xiâm hnê ngăn kong têa Kul.

Pôa  Phạm Minh Chính, Ngế pro xiâm hnê ngăn tơnêi têa krếo phôn tơpui ƀă Ngế pro xiâm hnê ngăn kong têa Lếo

Tung rôh krếo phôn  tơpui tơno ƀă pôa PhanKham Viphavanh, pôa pôa Phạm Minh Chính, Ngế pro xiâm hnê ngăn tơnêi têa  rơkâu mâu tơdroăng hiăng châ pêi tơ-brê kal kí Chinh phuh ƀă kuăn pơlê nhŏng o hiăng châ pêi pro tung tơbleăng pơkâ Hneăng hôp krôh má 11 dêi Đảng Nhân dân kăch măng Lếo  ƀă Pơkâ mơnhông cheăng kâ-rêh ối 5 hơnăm roh má 9; tối tơdroăng loi tĭng, ing hnoăng pơkuâ dêi Kăn xiâm hriê̆n plĕng rơkê dêi Đảng Nhân dân  kăch măng Lếo, mâu kuăn pơlê nhŏng o kô châ  ƀlêi trâng kân tâ nếo.

Tung rôh krếo phôn ƀă pôa Hun Sen, Ngế pro xiâm hnê ngăn kong têa Kul, pôa Phạm Minh Chính tối loi tơngah, ing hnoăng pơkuâ hriê̆n plĕng dêi pôa Hun Sen, kong têa Kul rế ton rế mơnhông tơ-brê, tơkŭm po klêi mâu hâi leh kân ‘na tơpui kâ tung tơnêi têa, kong têa ê ki kal tung hơnăm 2022, tung mê  ai rôh tâ phĭu rah xo Kăn Hô̆i đong cheăm Bêng ƀă xo pêi  tro hnoăng cheăng pro kăn xiâm hnê ngăn ASEAN 2022.

Gương tơplôu ƀă tơbleăng