Tối tơbleăng tung pơla séa ngăn a Hngêi ‘măn poăng Hồ Chí Minh - Kăn xiâm hnê ngăn tơnêi têa ki apoăng, Pơkuâ Khu rak ngăn Hngêi ‘măn poăng Hồ Chí Minh - Kăn xiâm hnê ngăn tơnêi têa apoăng, Khu xiâm pơkuâ ngăn lêng  969, Đăi tă Phạm Hoài Trung ăm ‘nâi, pêi hnoăng cheăng châ pơcháu, Khu rak ngăn Hngêi ‘măn poăng  hiăng hbrâ mơjiâng pơkâ, hbrâ tro ‘na mơngế, tơmeăm, troăng rơhlâ, tơrŭm dêi rơpó, tơbleăng ‘mâi rơnêu pro Hngêi ‘măn poăng vâ tơniăn lĕm, tro tiô pơkâ.

Klêi ‘mâi rơnêu pro, châ Pôa Hồ Chí Minh pơtối châ ‘măn rak a tíu ki lĕm má môi; tơmeăm kih thuât ki rak ngăn tơniăn, tro nhên, nhoăm, tơniăn kơlo kơxô̆ ki hbrâ rơnáu; rơtâ tâ, tơmeăm mơjiâng pro Hngêi ‘măn poăng ƀă mâu tơmeăm ki ê ăm lĕm pơtâi, krúa tâ; kăn ƀô̆, mâu ngế pêi cheăng, mâu lêng kô hlê tơ’nôm tơdroăng cheăng, mơdêk ki hlê plĕng tung tơkŭm cheăng ƀă ki rơkê ai tiô tơdroăng púi vâ ‘na tơdroăng kal kí dêi tíu kố.