A roh tơdah, pôa Phạm Minh Chính mơnhên Việt Nam pơtối mơ-eăm troăng tơpui ƀă kong têa ê tơniăn krê, pơkuâ pêi xêh, hơniâp lĕm, tơrŭm nhŏng o ƀă mơnhông mơdêk, pro chiâng hên, pro chiâng hên troăng pêi cheăng, hbrâ xêh ƀă thăm mot tơrŭm lâp plâi tơnêi tŭm têk, trâu hơngế, păng ‘nâng, châ tơƀrê; cho pú hmâ, cho khu tơrŭm ki loi tơngah ƀă cho khu ki tơrŭm má môi, ai hnoăng dêi pơlê pơla lâp plâi tơnêi; tơdrêng amê, pêi pro troăng hơlâ cheăng lêng ‘’Pŭn ôh’’.

Péa ngế kăn xiâm pơkuâ hiăng tơpui tơno ‘na mâu troăng pêi vâ veăng kum mơdêk tâ mê nếo tơrŭm cheăng lĕm tro pơla péa tơnêi têa tung mâu kơvâ cheăng, mơdêk trâm mâ tơpui tơno pơla kuăn pơlê, rak ƀă mơdêk râ tơrŭm cheăng péa Đảng, tung mê ai tơrŭm a mâu hneăng hôp tơpui tơno dêi mâu Đảng ki xiâm ki kal môi tiah Hneăng hôp tơpui tơno Sao Paulo.