A rôh tơdah, pôa Phạm Minh Chính Ngế pro xiâm hnê ngăn tơnêi têa tối Việt Nam đi đo nhoăm mâu troăng rơhlâ mơdêk tơdroăng tơrŭm cheăng ƀă Bỉ, xuân môi tiah mâu kơpong ƀă tung kuăn pơlê Bỉ; khê̆n kơdeăn hneăng lăm pôu Việt Nam dêi Ngế xiâm, ngế pơkuâ luât kơpong Flanders rơtế ƀă mâu kăn dêi 30 khu mơdró ki kân xuân môi tiah tơdroăng pêi cheăng hên ƀă  ƀă mâu kong pơlê dêi Việt Nam.

Pôa Phạm Minh Chính pơkâ thế Ngế xiâm - Ngế pơkuâ kơpong Flanders  pơtối tơmâng mơnhông tơrŭm cheăng ƀă Việt Nam, malối tơrŭm cheăng kâ, tê mơdró, ‘no liăn cheăng ƀă hlối mơdêk ƀă ‘mâi mơnhông tâ nếo tơrŭm cheăng pơla Việt Nam - Bỉ. Péa pâ vâ môi tuăn mơdêk tơrŭm pêi chiâk krá tơniăn ton, ‘no liăn cheăng tí tăng ‘nâi plĕng mơjiâng luât tơrŭm cheăng  nếo pơla kơpong Flanders  ƀă mâu kơpong dêi Việt Nam vâ mơdêk ki tơ brê, pơxúa pơla Việt Nam ƀă Bỉ.