A rôh tơpui tơno, pôa Phạm Minh Chính, Ngế pro xiâm hnê ngăn Chin phuh tối rơdêi ki kal dêi Việt Nam ngăn Mih cho môi tơnêi têa tơrŭm cheăng ki kal tung la ngiâ, phiu ro Mih môi tuăn môi Việt Nam rơdêi, tơniăn krê, mơ-eăm xêh ƀă kro mơdrŏng, tơdrêng amê hlối pơkâ thế Mih pơtối mơdêk mâu túa tơrŭm cheăng ki nhên.

Pôa Biden, kăn xiâm pơkuâ kong têa môi tuăn ƀă pôa Phạm Minh Chính ‘na mâu troăng tơmiât ƀă troăng hơlâ tơbleăng nếo dêi tơrŭm cheăng péa tơnei têa xuân môi tiah mâu kơvâ cheăng tơrŭm ki châ kơjo kum, tung mê ai khăm pơlât, tơdroăng tŏng kum rêh ‘na ối pơlê pơla, on tơhrik ngiât, kơmăi kơmok chal nếo.

Pôa Biden pơkâ thế péa pâ thăm mơdêk tơrŭm tung tơdroăng ki tê trếo hrik ‘no hyôh tơpoui tung hbo plêng ing mâu tơdroăng ki hnê mâu ngế cheăng ăm Việt Nam, ing mê rế hiá rế tŏng kum Việt Nam veăng trâu rơdâ tâ ƀă chiâng tơnêi têa ki kal tung mâu tơdroăng ki tê a kơpong ƀă tung lâp plâi tơnêi.