A rôh trâm, pôa Phạm Minh Chính, Ngế pro xiâm hnê ngăn tơnêi têa prế kăn xiâm phŏ pơkuâ kong têa Mih tối phiu ro ‘na mâu tdroăng mơnhông rơdêi dêi tơrŭm cheăng ƀă tơnêi têa tơrŭm Việt Nam – Mih, tơmiât troh mơdêk tơrŭm cheăng tung la ngiâ, malối cho a mâu kơvâ cheăng kâ – tê mơdró – ‘no liăn cheăng, khoa hok – kong ngê̆, hơ’lêh nếo rơkê, hnê hriâm hnê cheăng, trâm mâ kuăn pơlê ƀă ‘mâi mơnhông mâu tơdroăng klêi rôh tơplâ.

Ngế pro xiâm hnê ngăn tơnêi têa mơnhên tối khât mâu ivá veăng kum dêi jâ Kamala Harris ăm tơrŭm cheăng pơla péa tơnêi têa, malối cho tơdroăng ki môi tuăn tŏng kum kuăn pơlê Viẹt Nam vaccine hbrâ mơdât COVID-19 ƀă rơhêng vâ trâm vâi krâ nhŏng tung la ngiâ vâ pêi pro hơ’lêh mâu tơdroăng tơkêa khu râ kăn xiâm vâ mơdêk tơrŭm cheăng mot trâu hngế, tơƀrê, ai pơxúa.

Ngế pro xiâm hnê ngăn tơnêi têa ăm ‘nâi Việt Nam dế tơrŭm ƀă Mih vâ hbrâ tơdah pôa Joe Biden, Kăn xiâm pơkuâ kong têa Mih hiăng vâ lăm pôu tung la ngiâ.