A rôh trâm mâ, pôa Phạm Minh Chính, Ngế pro xiâm hnê ngăn Chin phuh tối phiu ro ‘na mâu tơdroăng mơnhông tơƀrê tơdroăng kal tung tơrŭm cheăng péa pâ tung hơnăm hdrối mê hía nah, malối cho tơdroăng péa tơnêi têa mơjiâng tơrŭm cheăng tung tŭm tơdroăng xua hơniâp lĕm, tơrŭm mơnhông tơƀrê drêng lăm pôu Việt Nam kố nah dêi pôa Joe Biden, Kăn xiâm pơkuâ kong têa Mih.

Ngế pro xiâm hnê ngăn tơnêi têa pơkâ thế tung la ngiâ, péa pâ mơdêk tơbleăng pêi mâu tơdroăng, tung mê tơmâng mơdêk kơvâ cheăng  kâ - tê mơdró - ‘no liăn cheăng, khoa hok - kơmăi kơmok, hbrâ ví  hyôh kong prâi hơ’lêh. Ngế pro xiâm hnê ngăn  tơnêi têa púi vâ Kuô̆k hô̆i Mih môi tuăn tơdroăng Mih rĕng mơnhên luât pơkâ tê mơdró ăm Việt Nam.

Tơdrêng hâi ki mê, pôa Phạm Minh Chính hiăng tơdah Ngế xiâm ngăn tê mơdró Mih; trâm Kăn hnê ngăn Vi ƀan Tơpui kâ Kuô̆k hô̆i râ má môi Mih ƀă hlối pêi cheăng ƀă CEO dêi mâu khu mơdró, grup cheăng kâ má môi dêi Mih tung pro trếo bán dẫn cho mâu tơmeăm ki  chiâng hrik xup xo.