Teăng mâ Chin phuh, Ngế pro xiâm hnê ngăn tơnêi têa rơkâu Khu tơ’noăng rôh apoăng tơ’noăng a Hâi leh kân má môi dêi Khu kơtú ƀa long kơdrâi kong têa ê ƀă hiâm mơno xua mơngiơk hlá cơ ếo khêi, rak vế hiâm mơno, khŏm mơ-eăm, tơrŭm, mơhno tơdroăng ki rơhêng vâ, tơdroăng ki mơ-eăm khât ‘na tơdroăng tơ’noăng vâ tơkâ luâ dêi tơná; tơdrêng amê hlối rak vế hiâm mơno hriâm ƀối, đi đo mơeăm.

Tơpui a kố Ngế pro xiâm hnê ngăn tơnêi têa tối nhên, tơdroăng hâk vâ ‘na kơtú ƀa long dêi mơngế Việt Nam pin gá kân khât, rế hía rế kân xua khên tơnôu, hiâm mơno vâ, hiâm mơno tơrŭm, túa ki mơhno ƀă túa ki ki tơ’noăng dêi mâu ngế ki tơ’noăng. Ngế pro xiâm hnê ngăn tơnêi têa rơhêng vâ, tung mâu rôh tơ’noăng la ngiâ, “Mâu vâi droh ki kơnía kố” rế xơpá, pơloăng mơnúa rế athế tơrŭm, mơhno hiâm mơno tơrŭm, pêi pro kơtăng tơdroăng ki pơkâ mơ’no dêi ngế ki hnê, Khu ki hnê, khu kơtú ƀa long kơdrâi kô ƀlêi trâng mâu tơdroăng ki tơxâng tâ nếo tung la ngiâ.