Vâ mơdêk tơrŭm cheăng khôi hmâ ƀă tơdjêp krá rơdêi tâ, péa Ngế pro xiâm hnê ngăn tơnêi têa Việt Nam ƀă Timor-Leste hiăng môi tuăn mơdêk pơtroh mâu khu râ kăn troh a tơnêi têa dêi rơpó ki hdrối tâ cho rôh lăm pôu dêi kăn xiâm pơkuâ kong têa Timor-Leste ngi Việt Nam.

Péa Ngế pro xiâm hnê ngăn tơnêi têa tối nhên pơtối tŏng kum dêi rơpó ƀă tơrŭm tơƀrê a mâu rôh hôp ki hên kơvâ cheăng tung kơpong ƀă a kong têa ê. A rôh tơdah pôa Klaus Schwab, Kăn hnê ngăn WEF, Ngế pro xiâm hnê ngăn Chin phuh tối rơdêi Việt Nam kô pơtối veăng kum tơƀrê ăm mâu tơdroăng tơmiât rơkê, pêi cheăng dêi WEF.

Rơhêng vâ WEF kô pơtối rơtế ƀă Việt Nam tơkŭm po hên tơdroăng cheăng tơkŭm mâu khu ki rơkê, mâu khu ki pêi pro troăng hơlâ cheăng kâ xiâm lâp plâi tơnêi ƀă tung kơpong vâ rơtế tơpui tơno mâu tơdroăng ki kal tơdjuôm, veăng kum bro ivá nếo, tung mê ai tơdroăng ki xúa mâu tơdroăng ki rơkê plĕng dêi khoa hok kơmăi kơmok vâ mơdêk ‘mâi mơnhông ƀă mơdêk cheăng kâ tung kâ tung lâp plâi tơnêi.