Xông tơpui a hneăng hôp, pôa Phạm Minh Chính, Ngế pro xiâm hnê ngăn tơnêi têa mơnhên, pơ’lêh xúa kŏng ngê̆ cho troăng pêi ki tro, dế tơkŭm po rơdêi, trâu hơngế tung lâp plâi tơnêi. Hên mơ-éa ki kal ƀă pơkâ dêi Đảng hiăng tối trâu hơngế ‘na pơ’lêh xúa kŏng ngê̆, cheăng kâ xúa kŏng ngê̆, pơlê pơla xúa kŏng ngê̆ tung mâu pơkâ, troăng tơmiât pêi mơnhông ƀă mơnhông trâu hơngế; mơnhên pơ’lêh xúa kŏng ngê̆ cho môi tung mâu hnoăng cheăng ki xiâm.

Hơnăm 2023 cho hơnăm tơdroăng ki chêh ‘măn hdrối tơnêi têa, ƀă troăng tơmiât pêi tơdroăng ki chêh ‘măn hdrối tơnêi têa, cho xiâm kối dêi mơnhông mơdêk, pin kal ‘nâi, xúa roh tơ’lêi vâ pêi, mơnhông ki kơnâ dêi tơdroăng ki chêh ‘măn hdrối chiâng tơdroăng ki kal ăm mơnhông cheăng kâ – rêh ối pơlê pơla. Ngế pro xiâm hnê ngăn tơnêi têa pơkâ mâu khu xiâm, kơvâ cheăng, kong pơlê kal tơkŭm kêi đeăng troăng pơkâ pêi, troăng hơkâ hngêi trăng troăng klông, xiâm kối ‘na xúa kŏng ngê̆ ƀă mơngế pêi cheăng vâ mơdêk tơdroăng ki chêh ‘măn hdrối mơnhông tơniăn, krá tơniăn.