Hneăng hôp tơpui cheăng kâ Pơlê kong kân Hồ Chí Minh hơnăm 2024 Sap hâi lơ 24 troh hâi lơ 27 khế 9, vâ mơhnhôk Tơdroăng pơhlêh cheăng kơmăi kơmok dêi Pơlê kong kân Hồ Chí Minh. Tung kơxo hâi lơ 26/9, hneăng hôp hiăng tâng tối tơbleăng ‘na tơdroăng: troăng hơlâ hơ’lêh cheăng kơmăi kơmok Pơlê kong kân Hồ Chí Minh tung tơdroăng tơdjêp ƀă kơpong, tung lâp plâi tơnêi ƀă troăng vâ pêi cheăng ƀă kơmăi kơmok ki nếo, tung mê ai tơdroăng mơnhông ƀă hơ’lêh cheăng kơmăi kơmok Pơlê kong kân Hồ Chí Minh.

Peăng  xêi, po hôp Tơpui tơno ‘na luât pơkâ pơla Ngế pro xiâm hnê ngăn Chin phuh, Kăn xiâm mâu kơvâ cheăng xiâm tơnêi têa, Kăn hnê ngăn Vi ƀan kuăn pơlê dêi pơlê kong kân, Kăn hnê ngăn kong pơlê, Pơlê kong kân dêi Việt Nam ƀă tơmối ki krếo, mâu grup cheăng ki kân tung tơnêi têa ƀă kong têa ê. Rôh hôp Tơpui tơno mê kô tơkŭm a troăng hơlâ luât pơkâ dêi Việt Nam tung mâu hơnăm nếo, malối tung kơvâ hơ’lêh cheăng ƀă kơmăi kơmok.