A hneăng hôp, pôa Phạm Minh Chính, Ngế pro xiâm hnê ngăn tơnêi têa rơtế ƀă mâu kăn xiâm kơvâ cheăng hiăng hlo leh diâp pơkâ  dêi troăng rơhlâ ‘no liăn cheăng, Hlá mơ-éa mơnhên chêh inâi ‘no liăn cheăng, tơhrâ tơdroăng pơkâ ăm mâu tơdroăng tơkêa bro ‘no liăn cheăng ki kân tung kong pơlê.

Vâ ai tiô tơdroăng pơkâ, Ngế pro xiâm hnê ngăn tơnêi têa pơkâ thế Đảng ƀộ, mâu kăn ƀă kuăn pơlê tung kong pơlê Bắc Ninh kơhnâ tơbleăng pêi 03 tơdroăng ki kal, 06 tơdroăng ki mơnhông tơƀrê hiăng châ mơnhên tung pơkâ, malối cho tung tơdroăng tơkŭm tăng liăn ‘no pêi cheăng a kơvâ pêi cheăng ƀă kơmăi kơmok ƀă tê mơdró, tơmâng khât mơnhông mâu kơvâ cheăng kơmăi kơmok ai tơmeăm khoăng pơ’lêh ƀă tơ’mot ‘no liăn cheăng a mâu kơvâ cheăng ki nếo.

‘Na tơ’mot ‘no liăn cheăng, Ngế pro xiâm hnê ngăn khĕn kơdeăn ƀă hâk mơnê mâu khu mơdró, khu ‘no liăn cheăng hiăng rah kong pơlê Bắc Ninh vâ ‘no liăn cheăng; loi  khât mâu tơdroăng tơkêa bro kô tơbleăng klêi.