Teăng mâ Kăn xiâm Đảng, Tơnêi têa, pôa Phạm Minh Chính, Ngế pro xiâm hnê ngăn tơnêi têa hâk mơnê mâu ngế, khu pú hên tung tơnêi têa ƀă kong têa ê hiăng veăng ƀă châ kâ pri tung lâp tơnêi têa tối ‘na tơdroăng nếo ai tơpui kâ rôh má 9.

Ngế pro xiâm hnê ngăn tơnêi têa tối, 110 ƀai chêh ki hiăng rah xo, hâk tơngăm châ pơ-eăng hâi kố cho mâu ƀai ki chêh ‘ló tro, tơbleăng troh lâp lu, cho ƀai chêh tá hiâm mơno, tá hnoăng cheăng ƀă tá tuăn vâ khât ƀă tơnêi têa Việt Nam dêi ngế ki chêh tung tơnêi têa ƀă kong têa ê.

Veăng mơhá pri tung lâp tơnêi têa ‘na tơdroăng tơpui kâ rôh má 9, Rơ’jíu xiâm Việt Nam hiăng châ kâ 3 pri mê cho: 1 pri ối má Môi cho ƀai chêh  “Têt Lo hơnăm nếo djâ tơdroăng ki kal ‘na pơxúa túa lĕm tro Việt Nam’’ dêi Khu rah chêh: Thu Hoa, Hồng Vân, Ánh Huyền, Ngọc Anh, Nhật Quỳnh, Phương Khanh - Ban Đối ngoại (VOV5); 1 pri ối má Péa ăm ƀai chêh: Âm vang hào khí “Hà Nội - Điện Biên Phủ trên không” dêi khu chêh: Nguyễn Vũ Duy, Nguyễn Thị Mai Hồng, Nguyễn Hồng Nhung - Ban Thời sự (VOV1) ƀă 1 pri ăm Pái ƀai chêh: “Đoàn kết vượt qua đau thương” dêi ngế chêh cho: Phan Ngọc Thạch - Kơ koan teăng mâ Rơ’jíu Việt Nam a Egipto.