Kơmăng lơ 9/1, a Hà Nội, klăng roh Têt tiô khôi hmâ vâi krâ nah Quý Mão 2023 dêi hdroâng mơngế Việt Nam, pôa Phạm Minh Chính, Ngế pro xiâm hnê ngăn tơnêi têa ƀă kơdrâi pôa pơkuâ roh ôu kâ tơpui tơno Khu râ kăn xiâm tơpui kâ ƀă kong têa ê. Klăng roh kố, teăng mâ Khu râ kăn pơkuâ Đảng, Tơnêi têa ƀă kuăn pơlê Việt Nam, Ngế pro xiâm hnê ngăn tơnêi têa mơnê mâu Kăn teăng mâ, Ngế xiâm tơpui kâ, Kăn pơkuâ teăng mâ mâu khu tơrŭm cheăng lâp plâi tơnêi a Việt Nam ƀă pơtroh rơkong mơnê kân troh Chin phuh ƀă kuăn pơlê mâu kong têa, mâu khu tơrŭm lâp plâi tơnêi hiăng pâ nhuô̆m, tơdroăng tŏng kum kơnâ, pơxúa, châ tơƀrê ăm Việt Nam tung pơla kố nah.

Ngế pro xiâm hnê ngăn tơnêi têa pói vâ ƀă loi tơngah mâu kăn teăng mâ, Ngế xiâm tơpui kâ, Kăn pơkuâ teăng mâ mâu khu tơrŭm lâp plâi tơnêi a Việt Nam kô pơtối mơnhông hnoăng tơdjêp châ tơƀrê, pêi pro trâu hơngế tâ mê nếo tơrŭm cheăng pơla Việt Nam ƀă mâu kong têa, vâ djâ Việt Nam troh achê tâ ƀă lâp plâi tơnêi ƀă djâ lâp plâi tơnêi troh achê tâ ƀă Việt Nam.