Vêh mơnhên ‘ló khât tơrŭm cheăng ki lĕm tro pơla Việt Nam ƀă OECD, Ngế pro xiâm hnê ngăn Chin phuh pơkâ thế peá pâ thăm mơdêk tơrŭm cheăng, păng ‘nâng, châ tơƀrê tâ.

Pôa Phạm Minh Chính ai tối, mâu troăng  hơlâ ki vâ mơnhông krá tơniăn ton dêi Việt Nam, tối nhên mâu tơdroăng ki kơjo kum dêi Việt Nam tung la ngiâ, tung mê, ai tá thăm mơdêk 3 hnoăng cheăng krá tơniăn ton ‘na túa pơkâ, tơmeăm koăng ƀă kuăn mơngế; ‘mâi mơnhông mâu ivá cheăng thăm mơdêk ki kal, môi tiah mơ’no tê kế tơmeăm, mơ’no liăn cheăng, rôe xúa kế tơmeăm, tơdrêng amê, thăm mơdêk ivá cheăng ki mơdêk lo hên tơmeăm ki tơ’lêi hlâu, hơ’lêh cheăng kơxô̆, pêi cheăng kâ pơtối tơdjêp, kơdroh ki mơ’no ngôi on, tơmeăm ‘mêi lo pro tơdjâk troh rêh kâ ối, tơdroăng cheăng kâ ki hloh hlê rơkê plĕng.