Kơmăng hâi lơ 4/9 drêng veăng Hôp mâu Kăn xiâm ASEAN rôh má 43 ƀă mâu tơdroăng cheăng pêi tơdjâk troh Jakarta, Indonesia, pôa Phạm Minh Chính - Ngế pro xiâm hnê ngăn tơnêi têa  hiăng tơdah mâu kăn xiâm dêi Mâu Grup ki kân dêi Indonesia.

Kăn xiâm mâu khu mơdró tối loi khât tơrŭm cheăng ƀă Việt Nam - Indonesia mơnhông tơƀrê tơniăn lĕm kô cho tơdroăng ki xiâm krá vâ mâu khu mơdró péa tơnêi têa po rơdâ tơrŭm ‘no liăn cheăng’ tối Việt Nam cho tơnêi têa ki ai hên tơmeăm khăng, tơ’lêi vâ tơ’mot mâu khu tê mơdró ‘no liăn cheăng ƀă tê mơdró tơmeăm, mâu tơmeăm ki krá lĕm.

A rôh trâm mâ, pôa Phạm Minh Chính rơkâu mâu tơdroăng cheăng ‘no liăn pêi châ tơƀrê dêi mâu khu mơdró a Việt Nam. Ngế pro xiâm hnê ngăn tơnêi têa pơkâ thế, Ƀă tơdroăng pơkâ ton iâ hâi mơnhên mơ‘no liăn cheăng, po rơdâ ‘no liăn cheăng..., mâu khu mơdró kal tơrŭm krá ƀă mâu kong pơlê, mâu kơ koan ki tơdjâk troh môi tiah Khu xiâm Pơkâ ƀă ‘no liăn cheăng kô hnê, veăng kum ƀă pêi mâu pơkâ mơhnhôk, tŏng kum tiô pơkâ dêi Luât, ing tơdroăng ôh tá pơrah pơla kơdrâi ƀă kơnốu pơla mâu khu ‘no liăn cheăng ƀă pơ’lêh túa pro hlá mơ-éa , ví ki hên tơvâ tơvân ăm khu ‘no liăn cheăng.