Tung rôh lăm pôu kong têa Lếo, kơxê lơ 11/1/2023, a Hngêi Kuô̆k hô̆i kong têa Lếo, pôa Phạm Minh Chính, Ngế pro xiâm hnê ngăn Chin phuh hiăng hôp tơpui tơno ƀă pôa Saysomphone Phomvihane, Kăn xiâm hnê ngăn Kuô̆k hô̆i Lếo.   A rôh tơpui, péa ngế Kăn xiâm tối nhoăm ƀă mơnê hên tơdroăng pêi hdrối tơdroăng veăng ‘mâi mơnhông ƀă mơdêk tơrŭm cheăng pơla péa pâ cho hnoăng cheăng ki kân, tơrŭm môi tuăn tung tŭm tơdroăng pơla Việt Nam - Lếo; tơdroăng tơrŭm pơla péa pâ xuân pơtối rak mơnhông tơƀrê tung tâi tâng mâu kơvâ cheăng.

Kăn xiâm hnê ngăn Kuô̆k hô̆i Lếo púi vâ ôh tá la lâi pơtê tơrŭm krá khât tơdroăng cheăng pơla Kuô̆k hô̆i péa tơnêi têa. Kăn xiâm Kuô̆k hô̆i Lếo xuân mơnê kân kơ Việt Nam hiăng veăng kum kân kĭn tung mâu hơnăm hdrối, tung mê ai tơdroăng mơjiâng pro kum ăm Lếo châ mơjiâng hngêi Kuô̆k hô̆i; tối nhên đi đo veăng môi tuăn ôh tá la lâi pơtê mơdêk tơrŭm cheăng pro trâu tâ nếo tơrŭm cheăng ki kân, môi tuăn, tơrŭm krá khât tung tŭm tơdroăng cheăng pơla Việt Nam - Lếo.