VOV4. Xơ Đăng -  Kơxê lơ 20/4, pôa Phạm Minh Chính, Ngế pro xiâm hnê ngăn tơnêi têa hiăng krếo phon kơ Mario Draghi, Ngế pro xiâm hnê ngăn kong têa Italia. Péa ngế kăn  xiâm vâ môi tuăn mơdêk tơrŭm tơpui kâ a rêm râ, malối cho mâu kăn xiâm ƀă pơtối rak vế pêi pro tơ-brê Tơdroăng tơbleăng tơrŭm cheăng hơnăm 2021- 2023. Péa pâ sôk ro hlo hiăng klêi péa hơnăm pêi pro tro tiô tơdroăng tơhrâ tê mơdró tơniăn xua Việt Nam - EU (EVFTA), tơpui tơno pơla péa pâ châ tơ-brê má môi.

Pôa Phạm Minh Chính, Ngế pro xiâm hnê ngăn tơnêi têa krếo phôn tơpui ƀă Ngế pro xiâm hnê ngăn kong têa Italia

Tung hơnăm 2021, tê mơdró pơla péa pâ châ 5,6 rơtal dollars, tâk 20% tâng vâ pơchông ƀă hơnăm 2020. pôa Phạm Minh Chính pơkâ thế Italia re\ng kĭ tơhrâ kring vế tơniăn ‘no liăn cheăng a Việt Nam - EU (EVIPA), rĕng mơnhên hộ chiếu vaccine ƀă pro tơ’lêi hlâu ăm tơmeăm tê mơdró dêi Việt Nam châ achê ƀă tíu tê mơdró, malối cho mâu tơmeăm pêi lo ing chiâk deăng, kế kâ, plâi kâ dêi rơpó môi tiah plâi nong, plâi rơga, plâi treăng kêt dro.

Gương tơplôu ƀă tơbleăng