Xông tơpui a roh trâm, pôa Phạm Minh Chính, Ngế pro xiâm hnê ngăn Chin phuh mơnhên, kheăn kơdeăn Kơ koan teăng mâ hiăng hbrâ lĕm tro ăm roh lăm pôu pêi cheăng dêi khu râ kăn teăng mâ mâu râ Chin phuh roh kố.

Ngế pro xiâm hnê ngăn tơnêi têa pơkâ thế Kơ koan teăng mâ séa ngăn, pêi pro châ tơƀrê mâu tơdroăng châ tơƀrê lĕm ƀă môi tuăn tơrŭm cheăng hiăng kĭ klăng roh lăm pôu vâ kum mơdêk tơrŭm cheăng tŭm têk Việt Nam – Brazil to a ‘ngêi nếo tung la ngiâ. Pôa Phạm Minh Chính pơkâ thế mâu kăn ƀô̆, mơngế cheăng tung Kơ koan teăng mâ tơkŭm hnoăng cheăng mơdêk trâm mâ mơhno khôi túa lĕm tro, hnê hriâm, tơ’noăng ivá ƀă trâm mâ kuăn pơlê; tơrŭm ƀă mâu hneăng hôp tơpui tơno hên troăng vâ môi tuăn, tŏng kum dêi pó, ki rơhêng vâ tối môi tuăn hnoăng tíu xiâm dêi ASEAN tung tơdroăng têa kơxĭ Biển Đông.