A leh pôu ngăn, pôa Phạm Minh Chính, Ngế pro xiâm hnê ngăn tơnêi têa pơtroh rơkong veăng hơlêm, mơhnhôk dêi pôa Nguyễn Phú Trọng, Kăn xiâm pơkuâ hnê ngăn Đảng, pôa Võ Văn Thưởng, Kăn xiâm hnê ngăn tơnêi têa, pôa Vương Đình Huệ ƀă mâu kăn xiâm Đảng Việt Nam troh kơ pôa Tập Cận Bình, Kăn xiâm pơkuâ hnê ngăn Đảng, pôa Lý Cường, Ngế pro xiâm hnê ngăn kong têa Sinuâ, pôa Triệu Lạc Tế, Ngế cheăng tung khu kăn, mâu kăn xiâm dêi kong têa Sinuâ ƀă rơpŏng hngêi pôa Lý Khắc Cường.

Pôa Phạm Minh Chính tối, Đảng Tơnêi têa ƀă kuăn pơlê Việt Nam nhoăm khât mâu tơdroăng veăng hno pêi cheăng dêi pôa Lý Khắc Cường ƀă tơdroăng tơrŭm cheăng pơla péa Đảng, péa tơnêi têa ƀă kuăn pơlê péa tơnêi têa Việt Nam - Sinuâ.

Pôa Hùng Ba, Kăn teăng mâ Sinuâ mơnê kơ pôa Nguyễn Phú Trọng - Kăn xiâm pơkuâ hnê ngăn Đảng, pôa Võ Văn Thưởng, Kăn xiâm hnê ngăn tơnêi têa, pôa Vương Đình Huệ, kăn xiâm hnê ngăn Kuô̆k hô̆i hiăng krếo phôn veăng hơlêm tơdroăng khéa kho ƀă pôa Phạm Minh Chính - Ngế pro xiâm hnê ngăn tơnêi têa pin hiăng pơkuâ djâ khu kăn xiâm Đảng, Tơnêi têa, Chin phuh, Kuô̆k hô̆i, Măt trâ̆n Tơnêi têa Việt Nam troh lăm pôu hlối chêh tung hlá mơ-éa mâu ngế lăm ngăn kiâ; mơhno tơdroăng ki Đảng, Chin phuh ƀă kuăn pơlê Sinuâ vâ mơdêk tâ nếo tơrŭm cheăng tung tŭm tơdroăng pơla Việt Nam - Sinuâ.