Pôa Phạm Minh Chính, Ngế pro xiâm hnê ngăn tơnêi têa lăm veăng hôp a Rôh hôp khu râ kăn xiâm ASEAN – GCC ƀă hlối pôu kong têa Saudi Arabia
Thứ năm, 06:00, 19/10/2023
Tơplôu: Katarina Nga/VOV
Tơplôu: Katarina Nga/VOV
VOV4.Xơ Đăng - Hâi lơ 18/10, pôa Phạm Minh Chính, Ngế pro xiâm hnê ngăn Chin phuh pơkuâ djâ khu kăn xiâm Việt Nam hiăng veăng lăm hôp a Rôh hôp khu râ kăn xiâm ASEAN – Hô̆i đong tơrŭm cheăng kơpong Kung king (GCC) ƀă hlối pôu kong têa Saudi Arabia.
Rôh hôp khu râ kăn xiâm ASEAN – GCC po tung pơla tơdroăng kong têa ê ƀă tung kơpong pơtối ai mâu tơdroăng ki hơ’lêh rĕng, ôh tá tơniăn. Kố cho rôh hôp khu râ kăn xiâm ki apoăng pơla ASEAN ƀă GCC sap ing péa pâ mơjiâng tơrŭm cheăng a hơnăm 1990, ai pơxúa kal khât, pêi pro châ tiô tơdroăng rơhêng vâ dêi péa pâ.
Rôh pêi hnoăng cheăng kố dêi pôa Phạm Minh Chính ai pơxúa kal khât, rế rơtế ƀă mâu kong têa ASEAN mơhno ivá nếo, tơniăn, tơrŭm, mơnhông, rế ‘mâi mơnhông loi tơngah tung tơdroăng kal kí, mơdêk tơƀrê tơrŭm cheăng pơla Việt Nam ƀă Saudi Arabia.
Viết bình luận