VOV4.Xơ đăng - Kơxê măng hâi lơ 10/5, pôa Phạm Minh Chính, Ngế pro xiâm hnê ngăn Chin phuh rơtế ƀă khu râ kăn pơkuâ mâu kong têa ASEAN hiăng lo lăm veăng Hneăng hôp Khu râ kăn xiâm ki má môi leh tơbâ 45 hơnăm tơrŭm cheăng ASEAN – Mih. Kố cho roh pêi cheăng kong têa ê apoăng dêi pôa Phạm Minh Chính, Ngế pro xiâm hnê ngăn tơnêi têa tung pơla Việt Nam hiăng kâi mơdât pơreăng COVID-19 tung lâp tơnêi têa, loi tơngah vêh lôu péa, pêi pro tơdroăng pro tơniăn rĕng ƀă mơnhông mơdêk krá tơniăn cheăng kâ – rêh ối pơlê pơla, thăm tơrŭm lâp plâi tơnêi tŭm têk, trâu hơngế, păng ‘nâng, châ tơƀrê.

Pôa Phạm Minh Chính, Ngế pro xiâm hnê ngăn kong têa veăng a Hneăng hôp khu râ kăn xiâm ki má môi leh tơbâ 45 hơnăm tơrŭm cheăng ASEAN – Mih

Roh lăm pôu pêi cheăng roh kố dêi pôa Phạm Minh Chính cho kal khât vâ pêi pro troăng hơlâ tơpui kâ ƀă kong têa ê dêi Đảng, Tơnêi têa; mơnhên hnoăng cheăng dêi Việt Nam tung ASEAN, nhuô̆m tíu pêi cheăng ƀă hnoăng cheăng tíu xiâm dêi ASEAN, thăm tơrŭm cheăng ASEAN ƀă Mih, môi khu tơrŭm cheăng ki kal dêi ASEAN.

A Sa Ly tơplôu ƀă tơbleăng