Tung hneăng lăm pôu pêi cheăng mê, mâu tơdroăng cheăng dêi pôa Phạm Minh Chính - Ngế pro xiâm hnê ngăn tơnêi têa ƀă mâu kăn hiăng pê klêi tơniăn ƀă 3 tơdroăng pêi tơƀrê, veăng ‘no hnoăng  mơdêk loi nhoăm ‘na kal kí, ‘mâi mơnhông tơrŭm cheăng pơla péa pâ Việt Nam -  Sinuâ. Hneăng hôp pơla pôa Phạm Minh Chính, Ngế pro xiâm hnê ngăn tơnêi têa ƀă pôa Lý Cường, Ngế pro xiâm hnê ngăn kong têa Sinuâ pơtối mơdêk tơrŭm pêi pơxúa khât, malối ‘na cheăng kâ, tê mơdró pơla Việt Nam ƀă Sinuâ tối krê.

A rôh po Kơchơ Sinuâ - ASEAN rôh kố, Việt Nam xuân tơngah mâu tơdroăng tơrŭm cheăng tung luât pơkâ CAEXPO kô cho môi tung mâu tơdroăng mơhnhôk mơnhông tơdjuôm tâi tâng khu ASEAN - Sinuâ, djâ tơdroăng tơrŭm cheăng kâ, tê mơdró, ‘no liăn cheăng ƀă ôm hyô pơla Sinuâ ƀă mâu kong têa ASEAN. Tung mê, ai Việt Nam rế xông tơƀrê ó tâ nếo.