Troh troh lăm pôu, mơhnhôk mơngế Việt Nam a Tíu xiâm tê mơdró Sapa, pôa Phạm Minh Chính, Ngế pro xiâm hnê ngăn tơnêi têa hiăng lăm pôu Tí xiâm nâl Xuăn Praha. Mâu thái cô hnê tiô tơdroăng ki vâ xêh, ôh tá ai liăn khế bu ai môi iâ kơxô̆ liăn mơhá tiô chôu. Tung 22 hơnăm hiăng hluâ, Tíu xiâm hiăng hnê nâl Xuăn ăm rơpâu ngế muăn kot mâ ƀă xông kân a tơnêi Czech chiâng pơchuât, chiâng chêh, chiâng tơpui nâl Xuăn rơkê.

Pôa Phạm Minh Chính, Ngế pro xiâm hnê ngăn tơnêi têa tối nhên, nâl Xuăn cho kông tơdjêp pơla mâu rơxông hdrối ƀă kơ’nâi, kum rơxông ối nếo Việt Nam a kong têa ê hlê plĕng tơ’nôm ‘na khôi túa lĕm tro vâi krâ nah, tơdroăng roh ton nah dêi tơnêi têa, hnê tơ’nôm hiâm mơno pâ nhuô̆m tơnêi têa, hâk tơngăm hdroâng mơngế. Pơkâ thế Tíu xiâm pơtối ai hên troăng pêi, tơdroăng hnê ƀă hriâm, mơjiâng tơ’nôm tơdroăng ki hâk vâ ăm mâu muăn hriâm tâp.