VOV4.Xơ Đăng - Kơxê lơ 26/6, pôa Phạm Minh Chính, Ngế pro xiâm hnê ngăn tơnêi têa ƀă Khu kăn lăm pêi cheăng dêi Chin phuh hiăng ai rôh pêi cheăng ƀă kăn xiâm hnê ngăn pơlê kong kân Đà Nẵng. Ngế pro xiâm hnê ngăn tơnêi têa tối, khĕn kơdeăn khât ƀă khê̆n kơdeăn tơdrêng hnoăng ki mơ-eăm ƀă tơdroăng ki kal ki Đảng bộ, mâu kăn, kuăn pơlê ƀă pơlê kong kân Đà Nẵng hiăng châ pêi pro, veăng mơhno ki kal tơchoâm dêi tơnêi têa; malối tung mơhnhôk hbrâ mơdât pơreăng vâ ‘mâi mơnhông tơƀrê cheăng kâ rêh ối pơlê pơla.

Pôa Phạm Minh Chính, pêi cheăng ƀă kăn xiâm hnê ngăn Đảng pơlê kong kân Đà Nẵng

Tung la ngiâ, Ngế pro xiâm hnê ngăn tơnêi têa pơkâ thế: pơlê kong kân Đà Nẵng pơtối rak tơniăn ‘na mơngế ƀă hbrâ tơbleăng pơkeăng khăm pơlât vâ pêi tro tơdroăng cheăng pêi ‘na pơkeăng pơlât tung kong pơlê; pâk vaccine ăm vâi hdrêng pá xông 5 hơnăm tơniăn tro tiô khoa hok, hlối tơ-brê. Tơkŭm pêi pro tro, tơ-brê tiô pơkâ kơxô̆ 43- NQ/TW dêi khu xiâm kal kí ‘na mơjiâng ƀă mơnhông pơlê kong kân Đà Năng troh hơnăm 2030 ƀă pơkâ kơxô̆ 119/2020/QH14 dêi Kuô̆k hô̆i ‘na mơnúa tơkŭm po mâu kăn pơlê kơphô̆ ƀă mâu luât pơkâ, luât pơkâ tŏng kum  vâ pro xiâm mơnhông mơdêk nếo.

Gương tơplôu ƀă tơbleăng