A rôh hôp, Ngế xiâm ngăn troăng prôk rơxế kơtâu hiăng tơbleăng ‘na tơdroăng tơbleăng pêi tơdroăng tơkêa pro troăng cân tơdrăng sap Cần Thơ - Cà Mau pơla sap Hâụ Giang - Cà Mau, mâu tíu pêi cheăng tơbleăng ‘na tơdroăng mơjiâng pro, ki tơ’lêi hlâu, ki pá, tơvâ tơvân mơjiâng pơkâ tơniăn pê klêi a hơnăm 2025, mơ eăm pêi rĕng kêi tâ pơcháu.

Tơbleăng a rôh hôp ƀă mâu kăn mâu khu xiâm kơvâ cheăng, mâu kong pơlê, Ngế pro xiâm hnê ngăn tơnêi têa pơkâ thế tơkŭm tơpui mâu tơdroăng ki kal, tung mê: ngăn nếo râ ủy mâu kăn tơring, kong pơlê hôm hâi tơmâng pêi rơdêi há; ngăn nếo tơdroăng mơjiâng pro tơmeăm khoăng, pêi cheăng hôm hâi tro tiô pơkâ; ‘na tơmeăm mơjiâng pro tiah prêi, hmốu, gu tơbăng tơnêi; ăm hmốu ku kŭn hôm ối tơdroăng ki tơvâ tơvân ulâi, ƀă tơpui ngăn tơdroăng mơjiâng pro troăng kân xŏn xap Cà Mau troh Đất Mũi; tơdrêng amê tơpui ‘na tơrŭm pơla mâu kong pơlê tung tơdroăng ăm tơmeăm, prêi hmốu...

Tối mơgêi, pôa Phạm Minh Chính - Ngế pro xiâm hnê ngăn tơnêi têa  tối pơchân Tơbăng kroăng Cửu Long ai 2 tíu ki hâ ho ‘na troăng prôk ƀă ki pá ‘na mơngế pêi cheăng. Đảng, Tơnêi têa tơmâng khât tơdroăng tơleăng mơnhên. Tiô pơkâ, troh hơnăm 2030, Tơbăng kroăng Cửu Long ai 1.200km troăng kân tơdrăng, thế mơ-eăm pêi tiô pơcháu mê.