Séa ngăn kơpong tăng tơnêi pro troăng kân, pôa Phạm Minh Chính, Ngế pro xiâm hnê ngăn tơnêi têa tối nhên, kố cho kân ki xiâm, ai kơnâ ton xŏn, tơdjêp pơla Tây Nguyên, Đông Nam Bộ, tơraih tơƀai Long Thành ƀă hên hĭn mâu troăng kân ăm phêp rơxế kơtâu, kơno tuk a têa kơxĭ... Ngế pro xiâm hnê ngăn tơnêi têa pơkâ 2 kong pơlê Bình Dưong, Bình Phước tơrŭm krá tơniăn, tŏng kum dêi pó mơdêk rĕng tơdroăng mơjiâng pro troăng kân, tung mê kơpong tơkâ hluâ kong pơlê Bình Phước bu ai 7 km tiô troăng mơ’no liăn cheăng tơnêi têa kal thâ pêi pro, kêi đeăng rĕng.

Ngế pro xiâm hnê ngăn tơnêi têa pơkâ pro mâu nut hnê prôk troăng kân ăm phêp rơxế kơtâu tơtro, thâ pơkâ pêi vâ xúa tơtro tíu mơnhông nếo ing troăng kân ăm phêp rơxế kơtâu têi, mơjiâng mâu kơpong hngêi kơmăi kơmok, tíu tê mơdró, tíu kơdrâm kuăn pơlê rêh ối tê mơdró rơxông nếo ƀă mâu tơdroăng khoa hok kŏng ngê̆, pơhlêh nếo tơmiêt pêi rơkê, mơnhông cheăng kâ xúa kŏng ngê̆, cheăng kâ krúa lĕm, cheăng kâ tuân hoan tung mâu kơpong hngêi kơmăi kơmok.