Tiô pơkâ châ kĭ, kơpong Tơbăng kroăng Cửu Long ai 6 to troăng kân tơdrăng lĕm ƀă tâi tâng ki xŏn dêi troăng dâng 1.188km. Vâ pêi mâu tơdroăng pơkâ troh hơnăm 2025, lâp kơpong tơbăng Kroăng Cửu Long kô ai dâng 548km troăng kân tơdrăng lĕm kô pơxiâm mơjiâng pro ƀă troh hơnăm 2030 ai 763km. Tơbleăng a hneăng hôp pôa Phạm Minh Chính Ngế pro xiâm hnê ngăn tơnêi têa tối nhên, kơpong tơbăng kroăng Cửu Long ai hên ki pơxúa tơ’lêi hlâu ‘na tơmeăm khoăng vâ mơjiâng pro la  xuân ối xơpá, malối ‘na troăng prôk, hlối pro pá ‘na chơ tơmeăm, tâk kơxô̆ liăn ‘no logistic, kơdroh ki tơbriât dêi tơmeăm.

Ngế pro xiâm hnê ngăn pơkâ thế mâu kăn veăng tơmâng hnê tối tơdrăng a tơdroăng kal pêi, tối nhên tơdroăng klâi ki ối tơvâ tơvân, ai inâi tíu ki vâ tah xơpá, ki lâi hiăng pro tro pơtối pêi, ki lâi hâi pêi tro tah lôi ‘mâi rơnêu po rơdâ; pơkâ thế Khĕn kơdeăn mâu ngế ki lâi, khu ki lâi pêi tro; mâu ngế ki lâi, khu ki lâi kâ kơluâ, pro ôh tá tro thế hôu khĕn pơxâu phâk kơtăng.