Pôa Phạm Minh Chính - Ngế pro xiâm hnê ngăn tơnêi têa khĕn kơdeăn Khu xiâm ‘na ‘na tơdroăng cheăng dêi tơnêi têa ƀă mâu Khu xiâm, kơ koan ki tơdâng Khu xiâm, kơ koan dêi Chin phuh hiăng hbrâ, kơhnâ tơbleăng pêi mâu tơdroăng châ pơcháu.

Ngế pro xiâm hnê ngăn tơnêi têa tối nhên, xo iâ mơngế pêi cheăng la tơdroăng cheăng pêi tơƀrê, kơdroh tơdroăng cheăng pêi ki ai mơngế pêi tơdế rá, kơdroh tah xiâm la ôh tá tah hnoăng cheăng pêi, tơdroăng pêi pro ƀă thế lăm troh hên a mâu pơlê cheăm, mơdêk hnê pơhlêh kơxô̆ tung rak ngăn mơngế pêi cheăng dêi Tơnêi têa vâ kơdroh trâm mâ kuăn pơlê, kơdroh luât pơkâ pâ thế ăm, ôh tá pro pá, ôh tá hriăn kâ kơluâ, ôh tá pro tơdroăng ki ‘mêi tá tro, kơdroh kâ kơhveăm tơmeăm ki ku kŭn.

Pôa Phạm Minh Chính - Ngế pro xiâm hnê ngăn tơnêi têa tơmâng pơkâ thế, tung pơla tơbleăng pêi cheăng, rah iâ mơngế pêi cheăng ăm tơnêi têa la thế tơtro ai pơxúa ăm tơnêi têa ƀă ai pơxúa ăm mâu kăn ƀô̆ ki pro kăn pơkuâ, mâu ngế pêi cheăng tung kơ koan, mâu tíu pêi cheăng, mơngế pêi cheăng vâ ai luât pơkâ ki tơtro, ing tơdroăng rak tơniăn hnoăng ki pơxúa tro luât ‘na tŏng kum. Pakĭng mê, thế pê klêi mâu tơdroăng cheăng kal kí châ pơcháu.