Klêi tơmâng mâu tơdroăng veăng hnê tối, pôa Phạm Minh Chính,  Ngế pro xiâm hnê ngăn tơnêi têa tối nhên tơdroăng pêi pro tro luât ăm mâu tơdroăng pơkâ liăn ngân tung tŭm tơdroăng ôh tá pơtê pê klêi. Mâu  khu tơrŭm cheăng, bâng ki xing xoăng pơtối séa ngăn, pro rế lĕm ƀă mơnhông ăm tơtro tâ.

Tơdroăng hnê tối hiăng pêi tro, ai hên túa pêi pro ki nếo. ‘Na Pơkâ, Ngế pro xiâm hnê ngăn tơnêi têa tối nhên kuăn pơlê thế achê pôi tá pơrah  mâu tơdroăng tê mơdró liăn ngân, malối cho kuăn pơlê ki ối a kơpong hngế hngo, tíu tơkăng kong, rơlố, kuăn pơlê cho mâu ngế ki xơpá, hok tro, sinh viên.

Ing tơdroăng ‘mâi hơ’lêh cheăng kâ tiô túa 4.0 ƀă pơ̆lêh kơxô̆ vâ ai túa ki achê ƀă ôh tá pơrah, tâi tâng ‘na troăng hơlâ liăn ngân tơnêi têa, vâ pin tơniăn tơdâng pơlê pơla, tơniăn tơdroăng rêh ối tung pơla mơnhông tơƀrê.