Tơbleăng pơxiâm po hneăng hôp, pôa Phạm Minh Chính, Ngế pro xiâm hnê ngăn tơnêi têa tối, tơdroăng mơhnhôk tơ’noăng, pêi cheăng khĕn kơdeăn hiăng mơhnhôk, pro tơ‘lêi ăm rơhêng vâ,  pơtối pêi tơdroăng ki ai hlâu ki tro, khên tơnôu ƀă tơkâ luâ tơdroăng xơpá, tơvâ tơvân, ki hâi pêi, ki pêi hâi tơƀrê vâ lâp tơnêi têa mơ-eăm tâ nếo.

Ngế pro xiâm hnê ngăn tơnêi têa pơkâ thế mâu ngế tung khu Hô̆i đong tơkŭm tối tơdroăng cheăng tung tơ’noăng khĕn kơdeăn, tối nhên mâu tơdroăng hiăng pêi châ tơƀrê, hnoăng ki hiăng châ chiâng pêi pro, mâu tơdroăng hâi pêi ƀă tối nhên xiâm gá, ƀai hriâm; ‘nâi nhên pơkâ, tơdroăng cheăng pêi tung mâu khế u ối dêi hơnăm 2023 ƀă pơkâ mâu tơdroăng vâ pêi troăng rơhlâ pêi tro vâ hơ’lêh nếo, mơdêk ki tơƀrê ƀă pơxúa dêi tơdroăng cheăng tơ’noăng, khĕn kơdeăn.