Pôa Phạm Minh Chính, Ngế pro xiâm hnê ngăn tơnêi têa khĕn kơdeăn, tơmâng xo mâu tơdroăng veăng hnê tối khât, hnoăng cheăng pêi, ‘na tuăn ngôa rơkê dêi mâu ngế cheăng tung khu kăn; pơkâ thế Khu xiâm ngăn tơdroăng pêi pơtối pê klêi tơdroăng Tơkêa bro, klêi mê pơtroh ăm pâ Khu xiâm ngăn tơdroăng kal kí veăng hnê tối, Ngế pro xiâm hnê ngăn tơnêi têa tối nhên, tơdroăng xing xoăng tơkŭm pro lĕm tro mâu tíu pêi cheăng, rơtế ƀă rah rah xo iâ mơngế pêi cheăng ăm rế lĕm mâu ngế pêi cheăng ăm tơnêi têa, tơniăn, iâ mơngế, pêi cheăng rơdêi, tơƀrê, pơxúa châ Đảng, tơnêi têa tơkŭm tơmâng pêi ƀă châ hên ngế vâ môi tuăn.

Tơdroăng rah xo tơkŭm pro rế lĕm mâu tíu pêi cheăng vâ pro tơ’lêi tung mơnhông tơƀrê; pơtối rak tơmeăm khoăng ai hlâu, rôh tơ’lêi vâ tơbriêt cheăng dêi mâu kong pơlê, tơring, cheăm ăm tơtro ƀă mơdroăng mơnhông tơƀrê nôkố; mơdêk ki ‘nâi pơkuâ dêi, khên tơnôu dêi rêm râ mâu kăn a kong pơlê; malối vâ mâu kăn achê kuăn pơlê tâ, tơleăng mơnhên klêi mâu tơdroăng dêi kuăn pơlê pêi rĕng tâ, hlâu tâ, vâ pro hơniâp lĕm, phâi tơtô ăm kuăn pơlê hên tâ.