Tiô tối tơbleăng dêi Khu xiâm pơkâ ƀă ‘No liăn cheăng, mơnhông tâk 9 khế hên tâ tâng vâ pơchông ƀă túa pơkâ hiăng mơ’no, GDP hneăng má III tâk 7,4%, riân tơdjuôm 9 khế tâk 6,82%. Tá 3 kơpong pêi chiâk deăng, kơmăi kơmok ƀă tê mơdró pơrá tâk tơniăn. Tơdroăng cheăng kâ pơtối pơhlêh tơƀrê. ‘Na hnoăng cheăng, troăng hơlâ ki kal khế 10, hneăng má IV hơnăm 2024 ƀă tung la ngiâ ah pôa Phạm Minh Chính, Ngế pro xiâm hnê ngăn tơnêi têa pơkâ thế rêm râ, mâu kơvâ cheăng, mâu kong pơlê pơtối pêi pro tơdâng tơ’mô, kơtăng mâu hnoăng cheăng, troăng hơlâ ƀă tuăn mơno: Khŏm mơ-eăm khât – Mơ-eăm tâi ivá tơná – pêi pro kơtăng – Mơ-eăm pêi pro ƀlêi chiâng tâi tâng mâu tơdroăng vâ pêi, hnoăng cheăng dêi hơnăm 2024 pro ivá ăm hơnăm 2025.

Tung mê, pêi klêi tơdroăng mơjiâng pro hngêi ối ăm mâu rơpŏng ki ai hngêi tro têa mơhiu xua khía mơhot kân pro, mơdêk ‘no liăn pêi cheăng 140 rơpâu rơtal gum pro hngêi ối; má pơtăm cho mơdêk tơdroăng tê mơdró tŏng gum kuăn pơlê, mơdêk hiâm mơno dêi kuăn pơlê châ xúa túa lĕm tro, malối cho ‘mâi mơnhông dêi mâu kế tơmeăm hnoăng klêi kơ’nâi kong mê khía mơhot kân pro pơla hdrối kố nah ƀă mơdêk ‘no liăn cheăng tơdjuôm vâ pro ivá ăm mơnhông cheăng kâ rêh ối pơlê pơla.