Tơpui mơgêi Rôh hôp, pôa Phạm Minh Chính, Ngế pro xiâm hnê ngăn Chin phuh tối nhên: Tây Bắc ƀă kơpong ki achê cho kơpong ki ai tíu ối tung la ngiâ ki tơviah khât ‘na tơdroăng kal kí, cheăng kâ rêh ối pơlê pơla, tơdroăng cheăng lêng gâk kring, cho “bo cheăng” peăng Kơnhŏng dêi tơnêi têa tro ƀă tơdroăng cheăng mơjiâng, rak vế hnoăng pơkuâ tơnêi tơníu dêi Tơnêi têa.

Ngế pro xiâm hnê ngăn Chin phuh tối nhên, mâu khu râ, kơvâ cheăng, kong pơlê tơkŭm tơbleăng pêi pro châ tơƀrê mâu troăng hơlâ tŏng gum hdroâng kuăn ngo, tơdroăng loi tĭng; pêi pro mâu tơdroăng mơnhông cheăng kâ, túa lĕm tro, pơlê pơla, tăng cheăng pêi, mơdêk tơdroăng ki kơhnâ tơƀrê, hiâm mơno mơ-eăm dêi hdroâng kuăn ngo tung mơnhông cheăng kâ rêh ối pơlê pơla ƀă rak vế, mơnhông mâu tơdroăng ki kơnía git dêi túa lĕm tro, tơdroăng loi tĭng khôi hmâ, veăng gum mơdêk tơdroăng rêh ối cheăng kâ, hiâm mơno kuăn pơlê hdroâng kuăn ngo a kong pơlê.

Ngế pro xiâm hnê ngăn Chin phuh pơkâ thế mâu khu xiâm, kơvâ cheăng, kong pơlê tơkŭm pêi pro tung 5 hnoăng cheăng ki kal, đi đo, tung mê athế tơrŭm krá tơniăn pơla mơnhông cheăng kâ rêh ối pơlê pơla ƀă rak vế gâk kring cheăng lêng a kong pơlê kơpong Tây Bắc ƀă kơpong ki achê.