Kố cho roh Chin phuh tơdroăng mơjiâng luât má péa tung khế 9 ƀă cho roh hôp má môi chât tung hơnăm 2024 tơpui ‘na hên tơdroăng ki kal. Xông tơpui pơxiâm po roh hôp, pôa Phạm Minh Chính, Ngế pro xiâm hnê ngăn tơnêi têa tối nhên, mơjiâng, kêi đeăng pơkâ pêi, luât cho môi tung 3 tơdroăng mơnhông ton xŏn, pơkâ rế cho xiâm kối mơhnhôk ăm tơdroăng mơnhông mơdêk.

Ngế pro xiâm hnê ngăn tơnêi têa pơkâ thế mâu khu kăn pêi cheăng tung Chin phuh, mâu ngế xiâm, kăn pơkuâ kơvâ tơdrêng hnê mơhno tơdroăng mơjiâng luât; kơjo kuăn mơngế, tơmeăm khoăng, liăn ngân ăm tơdroăng mơjiâng luât; mơdêk hiâm mơno pôu râng hnoăng cheăng, tơkŭm kuăn pơlê pơkuâ dêi hnoăng cheăng, pêi cheăng tiô pơkâ; ôh tá ví, ôh tá trut dêi pó hnoăng cheăng; angiâ kum ăm tơtro Hneăng hôp má tơheăm, Kuô̆k hô̆i hneăng má XV.