VOV4.Xơ Đăng - Kơxê lơ 7/4, a Tíu pêi cheăng Chin phuh, Khu hnê mơhno rak tơniăn, gak kring tơniăn troăng măng tơnêi têa (Khu hnê mơhno) hôp roh má môi, ing pơkuâ dêi pôa Phạm Minh Chính, Ngế pro xiâm hnê ngăn tơnêi têa, Kăn xiâm khu hnê mơhno. Xông tơpui a roh hôp, pôa Phạm Minh Chính tối ăm ‘nâi, lâp tơnêi têa dế thăm pêi pro pêi cheăng xúa kơmăi kơmok, mơjiâng Chin phuh đie#n tưh, la ngiâ Chin phuh pêi cheăng ƀă kơmăi đie#n tưh, pơlê pơla pêi cheăng xúa kơmăi đie#n tưh, tơdroăng cheăng kâ xúa kơmăi đie#n tưh, kuăn pơlê pêi cheăng xúa kơmăi đie#n tưh.

Xua mê, thế thăm pơkuâ tơnêi têa; pêi kêi đeăng troăng pơkâ pêi; pơkuâ, hnê mơhno môi tuăn ing kơpêng troh mơ’nui; hnê mơhno kuăn pơlê, khu tê mơdró rơtế veăng; thăm mơdêk ivá xúa kŏng ngê̆, liăn ngân, kuăn mơngế vâ tơniăn rak tơniăn, gâk kring măng, pêi pro nhên troăng pơkâ pêi, troăng hơlâ dêi Đảng, gak kring pơxúa tơnêi têa, hdroâng mơngế, pơxúa dêi kuăn pơlê, khu tê mơdró ƀă mâu khu ki tơdjâk.

A roh hôp kố mâu pêi cheăng tung Khu hnê mơhno hiăng tơkŭm tơpui tối ‘na tơdroăng tơniăn, gak kring tơniăn troăng măng tơnêi têa tung pơla kố nah ƀă tối hdrối tơdroăng tung la ngiâ; tơpui ‘na tơdroăng pêi cheăng hơnăm 2021 ƀă troăng pêi cheăng hơnăm 2022; mâu tơdroăng ki kal, troăng pêi ton xŏn, ki kal ‘na rak tơniăn, gak kring troăng măng tơnêi têa.

A Sa Ly tơplôu ƀă tơbleăng